(30-07-2010)

حوار هاتفي بين وزيرين

كل الاردن

الحوار التالي بين الوزيرين سمير مراد وحازم ملحس هو نص تخييلي بعثه احد قراء ” كل الأردن” لكنه ، فيما نظن يعكس ما هو أكثر من الحقيقة .

…………………………………

مراد: مرحبا معاليك كيفك؟

ملحس: اهلين معاليك، والله زبطت معاك، welcome to the club

مراد: والله ما كنت بدي بس الرئيس دأر وبتعرف…

ملحس: مش رح تندم you will have fun

مراد: بدي اسالك كم شغلة لانو عندك خبرة.

ملحس: طبعا اتفضل.

مراد: متى اول meeting

ملحس: شوف احنا منئعد الجمعة والتلاتا ، بس don’t worry شغلة حكي فاضي ، زي ما بتعرف هادا اتعين وهادا زعلان.

مراد:طيب في واحد حكى يباركلي وألي سمير بيك يعني هلا صار الي رتبة ؟

ملحس: هاهاها لا معاليك هاي القاب دارجة عند الناس، انا كمان بيك.

مراد: والرئيس ايش افندي ؟

ملحس: باشا ، منحكيلو باشا بس هوا easy going مش لازم تحكيلو باشا.

مراد: طيب ازا بدي اشوف الرئيس لازم احكي لوزير الداخلية اول ولا شو.

ملحس: لا مش شرط ، بعدين اي شي بدك اياه you can email him

مراد: طيب شو اعمل بالوزارة كيف بدي اخش بالجو.

ملحس: مش مشكلة ، جيب خبير بترتاحلو واعتمد عليه، انا بوصيلك على واحد ولا يهمك.

ملحس: ألي معاليك شو رح تعمل بالشركة.

مراد: ما رح يتغير شي.

ملحس: دير بالك لازم تبطل من الشركة هيك القانون.

مراد: really

ملحس: شو بدنا نعمل هيك القوانين اشي مش معئول.

مراد: شو بدي اسالك، في واحد في وزارة العمل كان يغلبنا لما نراجعو عشان الشركة بأدر اروحو.

ملحس: طبعا، على طول feel free

مراد: great ، هية الوزارة بعدها محلها بجنب المول.

ملحس : ازن.

مراد: غلبتك كتير ، بس لازم نلتئي عشان نحكي اكتر.

ملحس: ان شاء الله معاليك مش غلط.

مراد: بس اخر سؤال ازا سمحت، هلأ رئيس الوزرا دولة سمير مين رئيس مجلس النواب.

ملحس: علمي علمك ، بس ازن عبدالسلام المجالي.

مراد: اه اوكي i know him

مراد: يالله good luck معاليك.

ملحس: وانت كمان بشوفك في ال meeting الجمعة.