موجز أخبار راديو البلد
  • بدء الاجتماعات التحضيرية للقمة العربية في البحر الميت
  • استمرار عقد امتحان التوجيهي على دورتين للعام المقبل فقط
  • سيف: تكلفة أنبوب النفط العراقي ما بين 5-7 مليارات دولار
  • توظيف 200 موظف بدائرة أوقاف القدس ليصبح العدد الإجمالي 1000 موظف
  • ارتفاع فاتورة الطاقة خلال كانون الثاني الماضي بسبب الغازات النفطية والبنزين
  • التعامل مع تلوث محدود في بلدة صمد باربد
  • 560 مليون دولار تحويلات العاملين في الخارج
  • انخفاض طفيف على درجات الحرارة وأجواء غائمة جزئياً إلى غائمة
نقابة المعلمين تشكو أوضاع المعتقلين..سجون انفرادية و سوء معاملة
عمان نت 2017/03/05

تابعت نقابة المعلمين الأردنيين قضية المعلمين المعتقلين مع اللجنة الدولية للصليب الأحمر.

 

 

وزار وفد من أعضاء مجلس النقابة الخميس الماضي الصليب الأحمر، لتزويد الأخيرة بكافة المعلومات المتعلقة بالمعتقلين من سجون انفرادية إلى سوء معاملة ومنع للزيارات إلا للأقارب.

 

 

وتم الاتفاق على استمرار التواصل وشرح أوضاع المعتقلين، علما أن النقابة تؤكد على ضرورة إطلاق سراحهم أو تحويلهم للقضاء والسماح للقضاء أن يأخذ مجراه بصورة عادلة.

 

وطالبت النقابة بجمع المعتقلين في سجن واحد ليتم التمكن من التواصل معهم، وأن يعاملوا بصورة إنسانية، واحترام كرامتهم.

 

وكان الناطق لناطق الإعلامي باسم النقابة الدكتور أحمد الحجايا لعمان نت إن عدد المعتقلين من المعلمين وصل الى 13 معتقلا لدى دائرة المخارات العامة والأمن والأمن الوقائي دون معرفة أسباب الاعتقال .

 

وأضاف الحجايا أن النقابة قامت بمخاطبة رئيس الوزراء ووزارة الداخلية والأجهزة الأمنية المعنية لمعرفة أسباب الاعتقال ومصير المعلمين المعتقلين.

0
0

تعليقاتكم

  1. كريمة
    2017/03/05

    ع اساس يعني المواطنين اللي برا السجن تتم معاملتهم بشكل احسن ..
    قبل يومين رحت اراجع مديرية التنمية الاجتماعية بعين الباشا اللي الحكومة زتتها باخر المدينة بحيث تموت مية.موتة قبل ما توصلهم ..وشوف شو بكون وضعك ومعاك واحد او اتنين معاقين او ختايرة ..يا سلام
    الحكومة يمكن كان قصدها خير لما عملت هالشي ..كان قصدها تجمع كا الدوائر الحكومية بمكان واحد بحيث.تسهل ع الناس حركتهم ..ويمكن هاد المكان كان هو الوحيد اللي بتسع لكل الدوائر فاضطروا انهم يبنوا عليه …
    لكن غاب عن بال الحكومة انه لما تكون نيتكم مساعدة البشر فلازم تحسنوا نوعية الموظفين اللي بدهم يتعاملوا مع الناس ..تعملولهم تحديث نفسيات مثل ما عملتو تحديث مباني ..
    تعطوهم دورات بحسن الخلق والتعامل مع المواطن ..والحرص علي خدمته ..
    تعلموهم يحكوا جملة “من فضلك كيف بقدر اخدمك ?” كل ما شافوا مراجع داخل عليهم ، مع ابتسامة خفيفة
    هاي جملة ترجمة حرفية لجملة انجليزية كثير كنت اسمعها من موظفين المطارات والجوازات والبريد ووو في سفرتي لامريكا ..
    اذا تعلموا وحفظوا درسهم ابقيتوهم ..واذا ما قدروا يغيروا طباعهم العدوانية فهمي بالتاكيد ما بتناسبوا مع توجهات الحكومة لخدمة المواطنين ..
    هاي المقدمة كتبتها بعد الموقف اللي صار معي لما رحت بدي استفسر كيف ممكن ابني المعاق يستفيد من مساعدات التنمية الاجتماعية ..ابني معاق حركيا بس بفهم وحابب يعمل لحاله مشروع صغير يعتاش منه بكرامة …دكانة …قهوة …صالون حلاقة …اي شي ..
    الوضع المادي النا ما بساعد ع تكاليف هيك مشروع …نصحوني الناس بالتوجه للمديرية اللي ممكن تقدم قروض لهيك حالات ..وهاد اللي عملته …
    اول ما دخلت المبنى سلمت …ما حدا رد ..وحدة مشغولة بموبايلها ..حاطة رجل ع رجل وبتحكي مع زميلها اللي كان واقف وبسمعلها وبنفس الوقت بشرب بقهوة او شاي ..مش عارفة بالضبط ..المهم تقدمت خطوتين ..قلت للبنت لو سمحتي بدي استفسر عن.شغلة بتخص ابني المعاق ..المخلوقة تغيرت ملامحها ونظرتلي نظرة شرزا …حبيبتي انا هاي موشغلتي ..المسؤولة عن المعاقين توها طلعت ..انا بس قاعدة اغطي مكانها ..وما بعرف اشي بهالخصوص
    طيب مين اللي بعرف ?
    قلتلك البنت اللي مرت قبل شوي من قدامك .
    وغغيرها ? ما هو مش معقول اضرب كل هالمشوار وما استفيد بمعلومة ..
    ايش بدك تعرفي بااضبط ?
    بدي اعرف ابني المعاق اللي حاب يعمل مشروع صغير يعتاش منه كيف ممكن يستفيد منكم ? كيف بتقدروا تساعدوه ?
    ولا اشي …يجيب النا اوراق المشروع وكفلا اثنين واحنا بنعطيه قرض بقيمة 3000 دينار بسدده بدون مرابح ..طبعا كل هالحكي معي ووجهها واصابعها ع الموبايل
    حلو ..المشروع لازم يكون بعين الباشا ولا بصير ينعمل بصويلح ?
    لبش انتو وين ساكنين ?
    احنا حاليا بصويلح بس بيتنا وحياتنا كلها بعين الباشا وحتي بهوياتنا مسجل مكان الاقامة بعين الباشا ..
    انجنت وركبها الجنان …وصارلك ساعة بتسالي فيي وبتوجعي براسي وبالاخر انت مو سكان هون …
    روحي راجعي بمديرية تنمية عمان ..
    قلتلها همي رجعوني عليكم ..كون هوياتنا من عين الباشا ومكان الاقامة فيها برضه عين الباشا ..
    قالت وهي تصرخ ..
    انا ما بتهمني الهوية ..شو مسجل فيها ، انا بهمني دفتر العيلة وانتو وين ساكنين ..
    خلص حلي عني تعبتيني من الحكي ..
    تعبتك من الحكي !
    ما انت شغالة ع الواتس …وانت بتوخذي راتب عسان تخدميني مش عشان تتراسلي ع الواتس ..
    روحي اشكي عليي .بتقوللي
    عارفة.انه اللي بدي اشكيله عليها ما هو احسن منها ةبالتالي ما راح ياذيها …
    يعني لا هي عارفة شغلها ولا عارفة قوانين البلد اللي هي فيها ولا بدها تتعب حالها حتي بالحكي !
    وبتصيح بواحدة من جيل امها …
    هذول همي موظفين الحكومة

*